O Xogo de fin de trimestre: Sugar, Sugar 2

SUGAR SUGAR 2

O Xogo da Semana: Sugar Sugar

Despois de tanto traballar co GIMP, imos a tomarnos unha pequena pausa botando unha partidiña, pero como isto é un Instituto e non unha sala de xogos imos a divertirnos cun xogo que nos axude a desenvolver a compresión das leis físicas, a paciencia e a destreza mental.

Nesta ocasión presentamos SUGAR, SUGAR, un xogo baseado no uso de física de dinámicas e de partículas no que poderemos debuxar co rato unha serie de liñas sobre as que resbalarán centos de grans de azucar que caen da punta da coma que separa as letras "Sugar, sugar" (azucar, azucar).

Este xogo foi elexido polos compañeiros do ano pasado como "Mellor Xogo de Tic do ano"

A nosa misión será levar os grans de azucar ata as tazas, que se irán enchendo a medida que diminúa o seu número (a relación de grans que absorbeu). Tamén poderemos colorealos facendoos atravesar unhas barreiras de enerxía.

Este xogo require certa paciencia e habilidade de planificación.

Adiante. Serás quen de rematalo? Queres unha taza de azucar?

EXTRA:

Especial SUGAR, SUGAR NAVIDAD.

O Xogo da Semana: Ballooner

Libera ós globos bondadosos e destrúe os globos malvados.

BALLOONER

BALLOONER: NEW ADVENTURES

O Xogo da Semana: Apple Boom

Fai click nos porcoespíns para que as súas púas destrúan ás mazás e demás froitas.
Manipula o tempo deixando pulsado o botón do rato.

Xoga a...

APPLE BOOM

pracTICa 6: Tilt&Shift, Cartel de "Búscase", Retrato con fondo clon desenfocado.

Subir fotos feitas simulando o uso dunha lente descentrable (tilt and shift) mediante o programa Gimp, e tamén outra foto procesada a través do simulador que nos ofrece a páxina tiltshiftmaker .
Isto crea un efecto que se deu en chamar "Efecto miniatura ou maqueta".
Podedes atopar exemplos aquí

Tamén subiremos a foto dun retrato de persoa simulando un cartel dos vellos "Búscase" (Wanted) usando diferentes modos de fusión de capas coa imaxe e o texto. Como no exemplo:

 

Por último, colleremos un retrato fotográfico e duplicando a imaxe, escalamos e desenfocamos o fondo, integrando as dúas capas cunha máscara, de xeito que quede similar á foto do exemplo.

O Xogo da semana: Chu Rescue 1 e 2

Nesta saga tendes que cortar os bloques de xeo para que ó caer á auga suba o nivel do mar a ata chegar á liña de nivel, tendo coidado con que Chu, o Esquimal, non afogue.

CHU RESCUE

CHU RESCUE 2

pracTICa 5: Planetoide, Efecto Dragan.

Utilización do filtro de coordenadas polares do Gimp para simular un planetoide a partir dunha paisaxe panorámica.

1.- Collemos unha foto panorámica coidando ben que exista un primeiro plano se demasiado detalle, un plano medio no horizonte e un fondo (de nubes, estrelas ou o que sexa). É importante imaxinar que a foto vai a encaixar o lado esquerdo co lado dereito, como se fixésemos un tubo cunha fotografía, e que os bordes coincidan ó máximo.

2.- Imos a Capa>Transformar>Desplazamento e desplazamos a imaxen no eixo X, que corresponde co horizontal, un número de píxels apropiado. Se a nosa foto mide 2000 px de ancho, podemos desplazala 1000 px, por exemplo. A idea é que a "costura" entre os bordes da foto sexa visible e traballable.

3.- Alternando o uso de pincel de sanear e o tampon de clonar, pulimos a costura ata facela desaparecer.

4.- Convertimos a foto en cadrada, aumentando o lado máis pequeno de forma que coincida con lado maior. Iso faise en Imaxe>Escalar a Imaxe. Temos que ter en conta que hai que romper o eslabón da cadea que mantén as proporcións.

5.- Dámoslle a volta á imaxe. Unha forma sinxela de facelo é rotándoa 180º, cousa que podemos facer por exemplo dende Imaxe>transformar>rotar 180º

6.- Aplicamos o filtro de coordenadas polares, que é o terceiro do menú Filtros>Distorsións>coord polares.

7.- Xa casi está, agora só queda pulir a imaxe, enchendo os ocos cun fondo consistente.

8.- Adicionalmente, teredes que usar unha foto invertindo o efecto das coordenadas polares, de xeito que o ceo quede no interior do círculo, por exemplo, cun grupo de persoas.

INSPIRACIÓN: Fotografías coloreadas.
Escolle unha fotografía clásica en branco e negro e coloréala usando o modo de fusión multiplicar (o color, para un resultado más luminoso).
Se o pincel de cor non pinta en cor, asegurade que gimp esté no modo RGB, pulsando en Imagen->Modo->RGB

Atoparás máis exemplos famosos AQUÍ

EFECTO DRAGAN

Andrej Dragan é un fotógrafo especializado en retratos que desenvolveu unha forma moi especial de tratamiento das imaxes que o fixo internacionalmente coñecido e imitado.

O chamado "Efecto Dragan" ou "Draganizado" modifica as fotos para engadirlle un dramatismo e unha intensidade moi especial, como poderedes ver na súa web persoal.

Como bo artista, nunca explicou o séu segredo, pero moita xente desenvolveu métodos cos cales achegarse ós séus resultados.

 

Imos a ver como simular o seu sistema de traballo usando o Gimp. Para iso é necesario haber dominado a aplicación do filtro de paso alto que vimos na actividade anterior.

PASOS A REALIZAR:

1- Abrimos a imaxe e a duplicamos dúas veces. Ocultamos a capa de abaixo de todo para non modificala (Será a nosa imaxe orixinal)

2- Imos a enfatizar a mirada. Para elo escollemos o modo de fusión "pantalla", e utilizaremos unha máscara de capa para que o efecto só se aplique ós ollos.

 Cando estemos satisfeitos co resultado combinaremos as dúas capas.

3- Duplicamos de novo a capa resultante. E sobre a capa de arriba aplicaremos o efecto de Máscara de Desenfoque. Se non, podemos usar o filtro de paso alto quen sepa facelo.

4- A capa coa imaxe enfocada ímola combinar coa de abaixo no modo "claridad fuerte". Usaremos unha máscara de capa para aplicar o efecto ás zonas que nós queramos da fotografía. Experimenta outros modos de fusión de capa se queres.

5- Imos a desaturar a capa de abaixo. Facemola visible e imos a Colores- Desaturar.

6- Combinamos todo e listos. Opcionalmente poderemos crearlle un viñeteado, que se pode facer de varias formas que xa vos explicarei.

Fotos coas que experimentar

 

 

 

PrácTICa 4: Desaturación Selectiva

Desaturar é eliminar a información cromática, é decir, a información da cor. Usaremos o GIMP para facer unha desaturación selectiva e logo empregaremos máscaras de capa para destacar mediante a cor un elemento. Iso chámase desaturación selectiva. Teredes que facer unha foto dunha flor, dun taxi de New York e unha foto máis de temática libre a escoller por vós.

PráctTICa 3: Foto de Medo.

En medio da noite de Defuntos, AKA Samaín ou Samhain ou Halloween, teredes que facer co GIMP unha foto de medo e subila ó blog.

O Xogo da Semana: Especial Noite de Defuntos

Halloween, Samhain, Todos los Santos, Difuntos,... sea como sea a cultura que o nomee, a noite do equinoccio de Outono representou sempre unha época na que as barreiras entre o meundo dos mortos e dos vivos faise máis difusa.

Disfruta pois do especial Noite de Defuntos xogando a estes xogos seleccionados.

HAUNTED HALLOWEEN
Devólvelle a cabeza ó señor Osos. Ten coidado coas mans malignas dos zombies que quererán impedilo e aproveita o entorno para elo.

HALLOWEEN SHOOTER

Dispara e devolve o Vampiro ó ataude, a Momia ó Sacófago e a Bruxa ó caldeiro.

CUT AND KILL HALLOWEEN
Corta a madeira para recoller os premios e consigue que as cabezas se destrúan.

GIMP e manuais

Descarga a última versión de Gimp AQUÍ

Aprenda GIMP a los tropezones é un ebook e libro online con consellos sinxelos para profundizar no manexo do GIMP.
É un libriño feito por Iris Fernández no 2012  e ten 33 páxinas.

Nesta canle de Youtube de hai unha serie de vídeo onde vos guían pola aprendizaxe deste editor de fotos.

E no sitio de Jesusda atopareden un bo feixe de leccións relacionadas.

PracTICa 02: Formulario con Google Docs

Nesta práctica tes que facer un formulario e publicalo no teu blog.

O formulario tera que ter relación cunha das vosas asignaturas actuais.

Unha vez feito e publicado, compartídeo cos vosos compañeiros para que podas enchelo.

Aquí tendes un formulario de exemplo, cunha pregunta de cada tipo:

formulario

O Xogo da Semana: Gluey 2

Chega a choiva e pouco a pouco a paisaxe vaise voltando gris e deprimente. 

Pois non nos deprimamos! Recurramos á explosión de cores que nos presenta o seguinte Xogo da Semana!!

Neste xogo teremos que eliminar ós bichocos xuntando os do mesmo color e pinchando neles. Complicarase pouco a pouco. A ver quen é o que o remata con maior puntuación.

GLUEY

pracTICa 1: Google MAPS

Deberás enlazar e publicar no teu blog os seguintes recursos extraídos de Google Maps.

1- Un mapa coa posición da túa casa. Se queres manter ese dato na intimidade, usa a cambio o Concello, que ó fin e o cabo se lle chama "A casa do Pobo". O nivel de aproximación debe de ser suficiente como para poder guiarse polas rúas. Se presentará unha versión en mapa de satélite e outra en callexeiro.

2- Amosa unha ruta que sigas a cotío. Pode ser o percorrido do bus ó vir ó insti, ou a ronda de bares que facedes os teus colegas e ti os sábados, ata o percorrido para ir dende casa á vosa praia favorita no verán. O importante é facer un percorrido máis ou menos local, e amosalo no voso blog.

3- Unha vista co motor "street view" dun monumento ou lugar famoso e reconocible.

4- A ruta dende o Concello de Boiro (ou outro lugar relacionado convosco) ata o destino internacional que sempre quixéchedes visitar. Dende as praias do caribe ós llanuras heladas de Siberia, pasando polas ruínas de Petra, Exipto ou Xerusalem... ou a exhuberancia urbana de New York ou Shangai. Escollede vos e mirade os datos relacionados.

Podes ver exemplos despois do salto.

O Xogo da Semana: Castle Destroyer

Unha nova semana máis imos dispoñer dun tempo de ocio para agudizar as neuronas, que falta nos fai.
Neste caso, trátase dun xogo dos que se chaman de "deconstrucción", no que trazaremos co cursor unha línea que pode cortar os bloques presentes en cada nivel, de xeito que consigamos que a construcción se derrumbe por debaixo da líña horizontal marcada.

Dependendo do nivel poderemos utilizar un corte ou máis.

A ver quen é quen de completalo ¡Eu xa o fixen!

Veña, a darlle ó Castle Destroyer

Online Physics Games

Benvidos ó Blog de Tic 2013/2014

Ola.

Benvidos ó Blog da asignatura de TIC de primeiro de bacharelato C do IES Praia Barraña de Boiro.
Este Blog nace coa intención de ser un punto de encontro para a asignatura.

O meu enderezo electrónico é pascualvidal.barranha@gmail.com

Deixa aqui o teu nome e email para que poida elaborar unha lista común.

Unha aperta!